02/11/2026

გასვლითი გაკვეთილი ქუთაისის ტექნოლოგიურ ჰაბში

 


      2026 წლის 22 ოქტომბერს ჩემ სადამრიგებლო ჯგუფთან (I სასწავლო კურსის III სასწავლო ჯგუფის) კადეტებთან ერთად ვიმყოფებოდით ქუთაისის ტექნოლოგიურ ჰაბში. კადეტებმა დაათვალიერეს სამეცნიერო და ტექნოლოგიური სივრცეები, აიმაღლეს ცნობიერება STEM მიმართულებით. გაკვეთილი განხორციელდა გეოგრაფია-ფიზიკის ინტეგრირებით. 

24/09/2026

გაცვლითი პროგრამა - პოლონეთში ვიზიტი

გენერალ გიორგი კვინიტაძის სახელობის კადეტთა სამხედრო სკოლის კადეტები და სამი მასწავლებელი გაცვლითი პროგრამის ფარგლებში ვიმყოფებოდით პოლონეთში.  კადეტებს ქ. პოზნანის სკოლა-კომპლექსმა უმასპინძლა. 

ერთკვირიან პროგრამაში სამხედრო სკოლის ერთი ინსტრუქტორი, სამი მასწავლებელი და ცხრა კადეტი ვმონაწილეობით. ვიზიტის განმავლობაში მონაწილეები მრავალფეროვან სასწავლო, პრაქტიკულ და კულტურულ აქტივობებში ვიყავით ჩართულები.

პროგრამა მოიცავდა როგორც საგანმანათლებლო-შემეცნებით, ისე ისტორიულ-კულტურულ ღონისძიებებს. კადეტები დაესწრნენ მასპინძელი სასწავლებლის მიერ ორგანიზებულ საჩვენებელ აქტივობებს, თავადაც აქტიურად მონაწილეობდნენ გუნდურ სახანძრო-სამაშველო, საველე და წყლის სამაშველო სწავლებებსა და პრაქტიკულ დავალებებში.

გაცვლითი პროგრამა განხორციელდა კადეტთა სამხედრო ლიცეუმსა და პოლონეთის ქალაქ პოზნანის სკოლა კომპლექსს შორის გაფორმებული თანამშრომლობის მემორანდუმის ფარგლებში, რაც ორი საგანმანათლებლო დაწესებულების წარმატებული პარტნიორობის კიდევ ერთი მნიშვნელოვანი შედეგია. 

საერთაშორისო გაცვლითი პროგრამები კადეტთა სამხედრო ლიცეუმის სამოტივაციო პროგრამების მნიშვნელოვანი ნაწილია. მასში მონაწილეობის შესაძლებლობა კადეტებს სპეციალური შერჩევის კრიტერიუმების საფუძველზე ეძლევათ. მსგავსი ინიციატივები ხელს უწყობს მოტივაციის ამაღლებას, ლიდერული და გუნდური მუშაობის უნარების განვითარებას, უცხო ენის ცოდნის გაღრმავებას, სამხედრო პროფესიისადმი ინტერესის ზრდას, სხვადასხვა კულტურის გაცნობასა და ეფექტური კომუნიკაციის უნარების ჩამოყალიბებას.








16/09/2026

ახალი სასწავლო წელი

 


2026 წლის 16 სექტემბერს დაიწყო ახალი 2026-2027 სასწავლო წელი. 

    ვასწავლი პირველი სასწავლო კურსის (X კლასის) ხუთ სასწავლო ჯგუფს, მეორე სასწავლო კურსის (XI კლასი) ოთხივე ჯგუფს და მესამე სასწავლო კურსის ყველა ჯგუფს. ამავდროულად ვარ პირველი სასწავლო კურსის მესამე სასწავლო ჯგუფის (X-გ კლასის) დამრიგებელი. 

       სადამრიგებლო ჯგუფში ირიცხება 25 კადეტი, 20 ვაჟი და 5 გოგონა.

20/05/2026

"ბოლო ზარი"

      დღეს, 20 მაისს კადეტთა სამხედრო ლიცეუმში, მესამე სასწავლო კურსის კადეტებისთვის მნიშვნელოვანი და ემოციური დღე აღინიშნა. მეთორმეტე კლასელებისათვის დაირეკა „ბოლო ზარი“, რასთანაც დაკავშირებით კადეტთა კლუბში გაიმართა „ბოლო ზარის“ ღონისძიება, რომელმაც ლიცეუმში გატარებული სამი დაუვიწყარი წელი კიდევ ერთხელ გააცოცხლა.

     ღონისძიებას ესწრებოდნენ ლიცეუმის დირექტორი პოლკოვნიკი მალხაზ გოლეთიანი, დირექცია, სამხედრო მოსამსახურეები, მასწავლებლები და კადეტები.

     სამივე სასწავლო ჯგუფმა, მათშორის ჩემმა სადამრიგებლო ჯგუფმა (12ა კლასმა)  დამსწრე საზოგადოების წინაშე შთამბეჭდავი და ემოციური ნომრები წარადგინა.

    კადეტებმა სიმღერებით, მოგონებებითა და გულწრფელი ემოციებით გაიხსენეს  გამოწვევებით სავსე დღეები და ის გზა, რომელიც ერთად გაიარეს.

     კურსდამთავრებულებს ცხოვრების ახალი ეტაპის დაწყება ლიცეუმის დირექტორმა, პოლკოვნიკმა მალხაზ გოლეთიანმა მიულოცა და წარმატებები უსურვა.

     „ბოლო ზარი“ კადეტებისთვის მხოლოდ ლიცეუმის დასრულებას არ ნიშნავს  ეს არის ახალი მიზნებისკენ გადადგმული მნიშვნელოვანი ნაბიჯი.