21/05/2017

"ბოლო ზარი"

   
   2017 წლის 19 მაისს სსიპ გენერალ გიორგი კვინიტაძის სახელობის კადეტთა სამხედრო ლიცეუმში, მესამე კურსის (XII კლასის) ლიცეუმის დამთავრებასთან დაკავშირებით გაიმართა "ბოლო ზარისადმი" მიძღვნილი ტრადიციული ღონისძიება.
  დამამთავრებელ ჯგუფებს შორის იყო ჩემი სადამრიგებლო ჯგუფი, მესამე სასწავლო კურსის პირველი სასწავლო ჯგუფი (XII-1). კადეტებმა გაიხსენეს ლიცეუმში გატარებული წლები, მცირედი მუსიკალური ნომრებითა და მათ მიერ დაწერილი ლექსებით გამოხატეს მადლიერება დირექციის, მასწავლებლების, ოფიცრების, სერჟანტებისა და ლიცეუმის ყველა თანამშრომლის მიმართ.


11/05/2017

სამოდელო გაკვეთილი

   

 2017 წლის 9 მაისს ჩავატარე სამოდელო გაკვეთილი მეათე კლასში (საგანი: მსოფლიოს გეოგრაფია, თემა - ამერიკის შეერთებული შტატები და სამხრეთ აფრიკის რესპუბლიკა). გაკვეთილი ითვალისწინებდა წინა მასალის გამოკითხვასა და ახალი თემის ახსნას.
გაკვეთილი წარიმართა წინასწარ შედგენილი გაკვეთილის გეგმის შესაბამისად. მის მთავარ მიზანს წარმოადგენდა მოსწავლეებს განვითარებოდათ ბეჭდური და ციფრული წიგნიერების უნარ-ჩვევები.
გაკვეთილი დავიწყე საშინაო დავალების გამოკითხვით - კითხვა-პასუხის რეჟიმით, შეკითხვებზე პასუხის მოსამზადებლად ჯგუფებს მივეცი დრო, მათ სათანადო მსჯელობითა და დასაბუთებით გასცეს პასუხი. აქტივობებისთვის დრო ზუსტად იყო განაწილებული, როგორც მოსწავლეები ისე მეც ძირითადად ვიცავდით დროის ლიმიტს. გაკვეთილის მთავარი მიზანი - მოსწავლეებს განვითარებოდათ ბეჭდური წიგნიერების უნარი, ჩემის აზრით მიღწეულ იქნა გაკვეთილზე მიცემული წასაკითხი თემის დამუშავებით, ანალიზითა და მოხსენება-პრეზენტაციის მომზადებით. გაკვეთილიდან გამომდინარე მოამზადეს საუკეთესო პრეზენტაციები. ჩემი დაკვირვებით ჯგუფური მუშაობისას ყველა მოსწავლე აქტიურად იყო ჩართული, ჩანდა თანამშრომლბითი მუშაობა. ახალი მასალის განმტკიცება მოვახდინე ჩემს მიერ შექმნილი ელექტრონული სახალისო „ქვიზის“ საშუალებით. გაკვეთილის ბოლოს მთლიანად ჯგუფს და თითოეულ მომხსენებელს მივეცი განმავითარებელი და განმსაზღვრელი შეფასებები, ხოლო მოსწავლეებმა წინასწარ მიცემული შეფასების სქემების საშუალებით მოახდინეს, თვითშეფასება და მომხსენებლების შეფასება, მინდა ავღნიშნო, რომ მათ გააკეთეს საკმაოდ ობიექტური შეფასებები.

Сделано на Padlet

03/05/2017

ტრენინგი "სასწავლო პროცესის პოზიტიური მართვა და მზაობა პროფესიული განვითარებისათვის"


2017 წლის 29-30 აპრილს მასწავლებელთა პროფესიული განვითარების ეროვნული ცენტრისა და აშშ- ათასწლეულის გამოწვევის კორპორაციის მხარდაჭერით პროფესიული განვითარების პროექტის ფარგლებში გავიარე ტრენინგი მოდული 3 „სასწავლო პროცესის პოზიტიური მართვა და მზაობა პროფესიული განვითარებისათვის". ტრენერი - -ნი მაია მამისეიშვილი. ტრენინგი მოიცავდა 12 საკონტაქტო და 13 არასაკონტაქტო საათს
ტრენინგის მიზანი:
  • გაგვეცნობიერებინა სასწავლო პროცესის პოზიტიურად მართვის მნიშვნელობა;
  • გაგვეცნობიერებინა და შეგვესწავლა სტრატეგიები კარგად ორგანიზებული, თანამშრომლობაზე და ურთიერთპატივისცემაზე დაფუძნებული სასწავლო გარემოს შესაქმნელად;
  • გაგვეცნობიერებინა ემოციურად და ფიზიკურად უსაფრთხო, სტერეოტიპებისაგან თავისუფალი სასწავლო გარემოს შექმნის მნიშვნელობა;
  • გამოგვიმუშავდეს დროის ეფექტურად მართვისათვის საჭირო პროფესიული უნარები მოსწავლეზე ორიენტირებული სასწავლო გარემოს შესაქმნელად;
  • გავცნობოდით სტრატეგიებს, რომელთა გამოყენებაც ხელს შეუწყობს მოსწავლეებში ქცევისა და სწავლის თვითმართვის უნარების განვითარებას და შესაბამისად, მათ მიერ საკუთარ ქმდებებზე პასუხისმგებლობის აღებას.

ტრენინგი იყო ძალიან საინტერესო, ნაყოფიერი, ინოვაციური, მივიღე ბევრი ახალი ინფორმაცია თანამედროვე, 21-ე საუკუნის სწავლების მეთოდები. ტრენერი კარგად, ენერგიულად და გასაგებად საუბრობდა, კარგად ჰქონდა ორგანიზებული ჯგუფურად, წყვილებში და ინდივიდუალურად მუშაობის ფორმები, მკაცრად იცავდა დროის ლიმიტს, ყოველთვის კორექტული იყო და ახერხებდა პოზიტიურ უკუკავშირის მოცემას.
ტრენინგმოდულის ბოლოს გავედი შემდეგ შედეგზე:
  • გამოვიყენო პოზიტიური, კარგად ორგანიზებული და უსაფრთხო სასწავლო გარემოს შექმნის ტრატეგიები ჩემს პრაქტიკაში;
  • დავნერგო თანამშრომლობითი სწავლის სტილი სასწავლო პროცესში, მოვამზადო, განვახორციელო და შევაფასო ჯგუფური მუშაობა;
  • ეფექტურად ვმართო სწავლა-სწავების პროცესში;
  • გამოვიყენო სათანადო სტრატეგიები მოსწავლეებში ქცევისა და სწავლის თვითმართვის უნარების განსავითარებლად;
  • ეფექტურად ვითანამშრომლო კოლეგებთან და შევასრულო კრიტიკული მეგობრის როლი;
  • ვაწარმოო პორტფოლიო.

ტრენინგზე მიღებული ცოდნა განსაკუთრებით დამეხმარება გავაცნობიერო თანამშრომლობითი კულტურისა და კრიტიკული მეგობრის როლი პროფესიული განვითარებისათვის, ამავდროულად ტრენინგზე მიღებული ცოდნა დამეხმარება პროფესიული პორტფოლიოს წარმოებაში.

ტრენინგზე რაიმე განსაკუთრებულ ხარვეზს ადგილი არ ჰქონია.