"წამყვანი მასწავლებელი"

   2019 წლის 18 ოქტომბერს, მასწავლებელთა კარიერული წინსვლის ფარგლებში მასწავლებელთა პროფესიული განვითარების ეროვნული ცენტრის მიერ მომენიჭა წამყვანი მასწავლებლის სტატუსი.

კონფერენცია "ნატო"

      2019 წლის 17 ოქტომბერს სსიპ - დავით აღმაშენებლის სახელობის საქართველოს ეროვნული თავდაცვის აკადემიისა და სსიპ - გენერალ გიორგი კვინიტაძის სახელობის კადეტთა სამხედრო ლიცეუმის ერთობლივი ორგანიზებით, საერთაშორისო სამეცნიერო - პრაქტიკული კონფერენცია ,,საქართველოს თავდაცვის ძალების როლი ჩრდილო ატლანტიკური ხელშეკრულების ალიანსში (NATO) გაწევრიანებისათვის'' კადეტთა ლიცეუმის ბაზაზე ჩატარდა.

    კონფერენციას ესწრებოდნენ თავდაცვის ძალების დასავლეთ სარდალი ბრიგადის გენერალი გიორგი მათიაშვილი, კადეტთა სამხედრო ლიცეუმისა და ეროვნული თავდაცვის აკადემიის დირექციის წარმომადგენლები, სხვადასხვა უმაღლეს საგანმანათლებლო დაწესებულების ხელმძღვანელობა და აკადემიური პერსონალი, იუნკერები და კადეტები.

     კონფერენციაზე წარმოდგენილი იყო 19 ნაშრომი, მათ  შორის ჩემიც  "საქართველოს გეოპოლიტიკურ-სტრატეგიული მდებარეობა და ჩრდილო ატლანტიკური ალიანსი (NATO)".

საქართველოს გეოპოლიტიკურ-სტრატეგიული მდებარეობა და ჩრდილო ატლანტიკური ალიანსი (NATO) from Besik Machitadze

სასწავლო ექსკურსია "გურია"

     სადამრიგებლო პროგრამის ფარგლებში, სადამრიგებლო ჯგუფი, მესამე სასწავლო კურსის პირველი სასწავლო ჯგუფის (XII-1) კადეტები ჩემი ხელმძღვანელობით იმყოფებოდნენ სასწავლო ექსკურსიაზე გურიის მხარეში შემდეგი მარშრუტით: კურორტი ბახმარო, ნაბეღლავის მინერალურ წყლის ჩამოსასხმელი ქარხანა, შემოქმედის მონასტერი, ნატანები- "მინიატურების პარკი", შეკვეთილის "მუსიკალური პარკი", ჯიხეთის "სამების დედათა მონასტერი". კადეტები გაეცნენ გურიის მხარის ტურისტულ, კულტურულ და ეკონომიკურ პოტენციალს.

სტატუსის მინიჭება

      

     2019 წლის 27 სექტემბერს მასწავლებელთა საქმიანობის დაწყების, პროფესიული განვითარებისა და კარიერული წინსვლის სქემის ფარგლებში მომენიჭა წამყვანი მასწავლებლის სტატუსი. 

2019-2020 სასწავლო წელი

    2019 წლის 16 სექტემბერს დაიწყო ახალი, 2019-2020 სასწავლო წელი.

ვასწავლი პირველი (X კლასი) და მეორე (XI კლასი) სასწავლო კურსის ორ-ორ სასწავლო  ჯგუფს. ამავდროულად ვარ მესამე სასწავლო კურსის პირველი სასწავლო ჯგუფის (XII-1) დამრიგებელი.

   სადამრიგებლო ჯგუფში ირიცხება 24 კადეტი: 6 გოგონა და 18 ვაჟი.

ტრენინგი "Microsoft Office 365 "

   

       2019 წლის 7, 8 და 12 ივლისს გავიარე მასწავლებელთა პროფესიული განვითარებისა და ეროვნული ცენტრის მიერ ორგანიზებული ტრენინგი თემაზე "Microsoft Office 365 "- ის სერვისების გამოყენება სასწავლო პროცესში. ტრენერი - თეიმურაზ სახელაშვილი, ტრენინგი მოიცავდა 12 საკონტაქტო საათს.

ბესიკ მაჩიტაძე - პედაგოგიური პრაქტიკის კვლევა

https://www.slideshare.net/beso084/bmachitadzepedkvleva

პედაგოგიური პრაქტიკის კვლევა - ბესიკ მაჩიტაძე from Besik Machitadze

ექსკურსია სამეგრელოს მხარეში

         ჩემი ხელმძღვანელობით, სადამრიგებლო ჯგუფი, მეორე სასწავლო კურსის პირველი სასწავლო ჯგუფი იმყოფებოდა სასწავლო ექსკურსიაზე სამეგრელოს მხარეში. კადეტებმა მოინახულეს ჯვრის (ენგური) წყალსაცავი, დადიანების სასახლე, ხობის მამათა მონასტერი და სასაზღვრო პოლიციის სანაპირო დაცვის დეპარტამენტის ფოთის ბაზა.

 ჯვრის წყალსაცავზე ჰესის თანამშრომელმა კადეტებს გააცნო ელექტროსადგურის ისტორია, ფიზიკური პარამეტრები და მისი მნიშვნელობა ქვეყნის ენერგო სისტემაში.

         სასაზღვრო პოლიციის სანაპირო დაცვის დეპარტამენტში კადეტებს სანაპირო დაცვის დეპარტამენტის თანამშრომლებმა უმასპინძლეს. დაათვალიერეს აილენდის კლასის ხომალდები, გემთსარემონტო ბაზა და სპეციალური აღჭურვილობა. კადეტებმა მიიღეს ამომწურავი ინფორმაცია სანაპირო დაცვის ამოცანებისა და სიახლეების შესახებ.

      გასვლითი ღონისძიება სადამრიგებლო პროექტის “შეიცან საქართველო შენი“ ფარგლებში მოეწყო.

ექსკურსია ქუთაისის ისტორიულ მუზეუმში

დღეს, 9 აპრილს ჩემი ხელმძღვანელობით მეორე სასწავლო კურსის პირველი სასწავლო ჯგუფის კადეტები  (სადამრიგებლო ჯგუფი) იმყოფებოდნენ ნიკო ბერძენიშვილის სახელობის ქუთაისის სახელმწიფო ისტორიულ მუზეუმში. კადეტები გაეცვნენ მუზეუმის საგამოფენო დარბაზში არსებულ 1989 წლის 9 აპრილის ტრაგედიის ამსახველ ფოტო-დოკუმენტურ მასალას, აგრეთვე დაათვალიერეს მუზეუმში არსებული არქეოლოგიურ-ისტორიული ექსპონატები.

ქუთაისის სახელმწიფო ისტორიული მუზეუმი საერთაშორისო მნიშვნელობის სამეცნიერო და კულტურულ-საგანმანათლებლო ცენტრია. მის ფონდებში დაცულია 230 ათასზე მეტი კოლექცია და ექსპონატი.

ინტელექტუალური თამაში "რა? სად? როდის?"

       6 აპრილს ქუთაისის აკაკი წერეთლის სახელმწიფო უნივერსიტეტში, სსიპ საინფორმაციო ცენტრ ნატოსა და ევროკავშირის შესახებ იმერეთის ბიუროსა და „რა? სად? როდის იმერეთის ინტელექტ კლუბის ორგანიზებით გაიმართა NATO-ს დაარსებიდან 70 წლისადმი მიძღვნილი ინტელექტუალური თამაში „რა? სად? როდის?“, სადაც ასაკის შეუზღუდავად მონაწილეობა მიიღო იმერეთის რეგიონის 29 გუნდმა, მათშორის კადეტთა სამხედრო ლიცეუმის გუნდმაც (ლ.უკლება, გ.გოგია, გ.გადელია, ნ.ქვარიანი, ლ.შამუგია, ა.ქიმუცაძე). ინტელექტუალური თამაშში ყველა კითხვა ნატო-ევროკავშირს შეეხებოდა. კადეტთა სამხედრო ლიცეუმის გუნდს ჟიურისგან გადაეცა სპეციალური პრიზი.

სასწავლო ექსკურსია საირმეში

მეორე სასწავლო კურსის პირველი სასწავლო ჯგუფი პროექტ „საქართველოს  კურორტები და ბუნებრივი რესურსების“ ფარგლებში ჩემი ხელმძღვანელობით იმყოფებოდნენ კურორტ საირმეში (ხელმძღვანელები: ბესიკ მაჩიტაძე - გეოგრაფიის მასწავლებელი, ეკა მურუსიძე - ქიმიის მასწავლებელი).

ექსკურსიის ფარგლებში კადეტებმა დაათვალიერეს „თერმული სპა და ველნესი“, გაეცნენ იქ მიმდინარე გამაჯანსაღებელ პროცედურებს, რომელიც მიმდინარეობს კურორტის ტერიტორიაზე არსებული ბუნებრივი თერმული და მინერალური წყაროებით, აგრეთვე მოინახულეს სპა-ცენტრში არსებულ ახლადგახსნილი "მარილის ოთახი", რომელიც სამკურნალო დანიშნულებისაა და გამოიყენება სასუნთქი ორგანოების სამკურნალოდ.

სასწავლო ექსკურსიის მიზანი იყო, კადეტებს მოეხდინათ სხვადასხვა საგნის საგაკვეთილო პროცესში მიღებული თეორიული ცოდნის ტრანსფერი, უკეთ შეეფასებინათ საქართველოს პოტენციალი სხვადასხვა სფეროში: ეკონომიკა, ჯანდაცვა, ტურიზმი.

 

ჩემი სადამრიგებლო

11-1 (CML) 2018-2019