გასვლითი გაკვეთილი

III სასწავლო კურსის I სასწავლო ჯგუფის კადეტებთან ერთად განვახორციელე გასვლითი გაკვეთილი ვანის მუნიციპალიტეტში.

კადეტებმა დაათვალიერეს ვანის არქეოლოგიური მუზეუმი და სოფელ დიხაშხოს თერმული წყლები.

გაკვეთილი თემით - „მდგრადი ტურიზმი საქართველოში“ მიზნად ისახავდა კადეტებს აღექვათ გეოგრაფიული გარემოს მთლიანობა და გაეაზრებინათ ბუნებრივი პირობების გავლენა მოსახლეობის სამეურნეო საქმიანობასა და ცხოვრების წესზე.

ონლაინ ტრენინგი

      2025 წლის 10 ოქტომბრიდან 1 ნოემბრის ჩათვლით საერთაშორისო ოკეანის აკადემიისა და საქართველოს ოკეანის აკადემიის ორგანიზებით, Zoom -ის პლატფორმის საშუალებით გავიარე ონლაინ ტრენინგი  ოკეანის წიგნიერების ამაღლება სკოლაში.

ტრენინგის ფარგლებში გავეცანი შემდეგ თემებს:

• ლურჯი ეკონომიკა
• საზღვაო ბიომრავალფეროვნება
• თევზჭერა და აკვაკულტურა
• მდგრადი განვითარების მიზნები
• ინოვაციები საზღვაო მეცნიერებაში.

   ტრენინგის ხანგრძლივობა 20 საათი. ტრენინგს ხელმძღვანელობდა ქალბატონი მარიკა მახარაძე.

ინტერაქციული ლექცია "აფხაზეთი"

 

   ლიცეუმის სამივე სასწავლო კურსის კადეტებისათვის ჩავატარე ინტერაქციული ლექცია -„ჩვენ დავბრუნდებით“.

     ლექციას კადეტთა სამხედრო ლიცეუმის დირექტორი პოლკოვნიკი მალხაზ გოლეთიანი, დირექციის წარმომადგენლები, სამხედრო მოსამსახურეები, მასწავლებლები და კადეტები ესწრებოდნენ.

    ინტერაქციული ხასიათის ლექცია - აფხაზეთის თემას შეეხებოდა. ლექცია გაჯერებული იყო ფოტო-ვიდეო მასალებით და მიზნად ისახავდა კადეტთა ცნობიერების ამაღლებას აფხაზეთის შესახებ.

დაჯილდოება

 

      სსიპ გენერალ გიორგი კვინიტაძის კადეტთა სამხედრო ლიცეუმის დაარსებიდან 15 წლის იუბილესთან დაკავშირებით, სამხედრო განათლების სისტემის განვითარებაში შეტანილი განსაკუთრებული დამსახურებისთვის ლიცეუმის დირექციის წარდგინებით საქართველოს თავდაცვის მინისტრის მიერ დავჯილდოვდი უწყებრივი მედლით "გიორგი ჭყონდიდელ-მწიგნობართუხუცესი".

ახალი სასწავლო წელი

 

2025 წლის 15 სექტემბერს დაიწყო ახალი 2025-2026 სასწავლო წელი. 

    ვასწავლი პირველი სასწავლო კურსის (X კლასი) ხუთ სასწავლო ჯგუფს, მეორე სასწავლო კურსის (XI კლასი) ოთხივე ჯგუფს და მესამე სასწავლო კურსის ყველა ჯგუფს. ამავდროულად ვარ მესამე სასწავლო კურსის პირველი სასწავლო ჯგუფის (XII-1 კლასი) დამრიგებელი. 

       სადამრიგებლო ჯგუფში ირიცხება 25 კადეტი, 19 ვაჟი და 6 გოგონა.

სასწავლო ექსკურსია

 

 2025 წლის 2 აპრილს ჩემ სადამრიგებლო ჯგუფთან ერთად (11-ა) სადამრიგებლო პროგრამის ფარგლებში ვიმყოფებოდი სასწავლო ექსკურსიაზე გურიის რეგიონში შემდეგ მარშრუტზე: ნოდარ დუმბაძის სახლ-მუზეუმი - საქართველო მინიატურში - შეკვეთილის დენდროლოგიური პარკი.

     ექსკურსიის მიზანია კადეტები გაეცნონ საქართველოს სხვადასხვა მხარის გეოგრაფიას, კულტურას, ისტორიასა და სხვადასხვა ღირშესანიშნაობებს.

პროექტის-„ცერნის კვლევები და მისი გლობალური მნიშვნელობა“

      კადეტთა სამხედრო ლიცეუმში შედგა პროექტის-„ცერნის კვლევები და მისი გლობალური მნიშვნელობა“ პრეზენტაცია. 

      პროექტი, რომელშიც  II და III სასწავლო კურსის კადეტები იყვნენ ჩართულნი, სამი საგნის: ფიზიკა, ქიმია და გეოგრაფია ინტეგრირებით განხორციელდა. კადეტებმა მოიძიეს და წარმოადგინეს  საინტერესო პრეზენტაციები ცერნის კვლევებსა და ამ კვლევების მნიშვნელობაზე. 

       პროექტს ხელმძღვანელობდნენ მასწავლებლები: ეკა მურისიძე, თეა ქუთათელაძე და ბესიკ მაჩიტაძე.