ეროვნული სასწავლო ოლიმპიადა

 

    2021-2022 სასწავლო წლის გეოგრაფიაში ეროვნულ სასწავლო ოლიმპიადის პირველ ტურში მონაწილეობა მიიღო ჩემმა 15 კადეტმა, პირველ ტურში ზღვარი გადალახა 14-მა კადეტმა, მაგრამ ოლიმპიადის პირობებიდან გამომდინარე (პირველ ათასში მოხვდა) მეორე ტურში გადავიდა მხოლოდ 5 კადეტი:

1. გოგოძე საბა - 35 ქულა
2. გუგუციძე გიორგი - 33 ქულა
3. გიორგაძე ბექა - 32 ქულა
4. ხუციძე თომა - 33 ქულა
5. ახვლედიანი გიორგი - 34 ქულა

შეხვედრა უკრაინელ კადეტებთან

     

    კადეტთა სამხედრო ლიცეუმსა და უკრაინის ქალაქ ლვოვის სამხედრო ლიცეუმს შორის ერთობლივი, ონლაინ პროექტი განხორციელდა.

      პროექტის -„საქართველოსა და უკრაინის კულტურული და ბუნებრივი მემკვიდრეობის ძეგლები“, პრეზენტაცია დისტანციურ რეჟიმში გაიმართა. 

     უკრაინელმა და ქართველმა კადეტებმა სპეციალური პროგრამის (ArcGIS StoryMaps) მეშვეობით ქვეყნების კულტურული და ბუნებრივი მემკვიდრეობის ძეგლების რუკა შექმნეს. რუკაზე დატანილია თითოეული ძეგლების შესახებ ფოტო-ვიდეო და ინფორმაციული მასალა.

ახალი სასწავლო წელი

 

       2021 წლის 15 სექტემბერს დისტანციურ რეჟიმში დაიწყო ახალი, 2021-2022 სასწავლო წელი. სწავლება მიმდინარეობს პლატფორმა Microsoft Teams -ის გამოყენებით.

     ვასწავლი პირველი (X კლასი) და მეორე (XI კლასი) სასწავლო კურსებს. ამავდროულად ვარ მეორე სასწავლო კურსის მესამე სასწავლო ჯგუფის (XI-გ კლასის) დამრიგებელი.

   სადამრიგებლო ჯგუფში ირიცხება 26 კადეტი: 5 გოგონა და 21 ვაჟი.

ტრენინგი "მოზარდებთან მუშაობის ფსიქოლოგიური ასპექტები"

 

  2021 წლის 24-25 აგვისტოს საქართველო თავდაცვის სამინისტროს სოციალურ საკითხთა და ფსიქოლოგიური მხარდაჭერის დეპარტამენტის ორგანიზებით გავიარე ტრენინგი თემაზე  "მოზარდებთან მუშაობის ფსიქოლოგიური ასპექტები". ტრენინგის ხანგრძლივობა 12 საათი.

მეთოდური შეხვედრა კათედრის წევრებთან

 

     2021 წლის 7 ივლისს საზოგადოებრივ მეცნიერებათა კათედრის სხდომაზე განვახორციელეთ შეხვედრა მეთოდურ საკითხთან აკავშირებით თემაზე "დამოუკიდებლად მუშაობის მეთოდი გეოგრაფიის გაკვეთილზე".  მოხსენება წარიმართა კითხვა-პასუხის რეჟიმში. სხდომას კათედრის წევრების გარდა ესწრებოდნენ დირექციის წარმომადგენლებიც.

გეოგრაფიის ტრენინგი წამყვანი მასწავლებლებისთვის

 

       2021 წლის 17 ივლისიდან 23 ივლისის ჩათვლით გავიარე ტრენინგი წამყვანი მასწავლებლებისთვის თემაზე "თვალსაჩინოების გამოყენება გეოგრაფიის გაკვეთილზე". ტრენინგი ჩატარდა დისტანციურ რეჟიმში Teams-ის პლატფორმის გამოყენებით. 12 საკონტაქტო საათი. ორგანიზატორი მასწავლებელთა პროფესიული მომზადების ეროვნული ცენტრი, ტრენერი მაია მაძღარაშვილი.

74-ე სასწავლო შემოქმედებითი კონფერენცია

 

       ქალაქ თბილისის მუნიციპალიტეტის აიპ "მოსწავლე ახალგაზრდობის ეროვნული სასახლის" მიერ ქვეყნის მასშტაბით ორგანიზებულ მოსწავლეთა 74-ე სასწავლო შემოქმედებით კონფერენციაზე სამართალმცოდნეობისა და საერთაშორისო ურთიერთობის სექციაში წარმატებით მონაწილეობისათვის (თემის დაცვაში 20-დან 20 ქულა მიენიჭა, ჯამში 91 ქულა, თემა: "ჩრდილო ატლანტიკური ხელშეკრულების ორგანიზაცია (NATO) და საქართველოს გეოპოლიტიკურ-სტრატეგიული მდებარეობა") გადაეცა სიგელი პირველი სასწავლო კურსის (X კლასის) კადეტს  გიორგი ბრუნჯაძეს, რომელმაც თემა დაიცვა ჩემი ხელმძღვანელობით.

ონლაინ შეხვედრა

 

     დღეს კადეტთა სამხედრო ლიცეუმსა და უკრაინის ქალაქ ზაპოროჟიეს სამხედრო-სპორტულ ლიცეუმს-“ზახისტნიკს“ შორის ონლაინ შეხვედრა შედგა.

     სასწავლებლების კადეტებმა ერთმანეთს პრეზენტაციის ფორმატში გააცნეს თავიანთი ქვეყნები, ქალაქები და ლიცეუმები. 

      პროექტის ფარგლებში კადეტები ჩაერთვნენ მრავალფეროვან სასწავლო აქტივობებში, ინგლისურენოვან ქვიზებსა და ონლაინ სასწავლო თამაშში- “Kahoot”. ვიზუალური მასალებით გამდიდრებული თამაში ხელს უწყობს კადეტთა ინგლისური ენის უნარების განვითარებას. პირველი ადგილი თამაშში- “Kahoot” ქართველმა კადეტმა მარიამ გურულმა, ხოლო ქვიზებში უკრაინელმა კადეტმა დანილო მელნიკმა დაიკავა. 

     ერთობლივ პროექტში ჩართულები ვიყავით კადეტთა სამხედრო ლიცეუმის პირველი და მეორე სასწავლო კურსების 15 კადეტი. პროექტზე ვმუშაობდით პედაგოგები: ეკა მურუსიძე, ფიქრია ცერცვაძე, იზაბელა კილასონია და ბესიკ მაჩიტაძე.

დაჯილდოება კონკურსი "ევროპული ენები"

         2021 წლის 3 მარტს ლიცეუმის კადეტთა კლუბში გაიმართა დისტანციური სწავლებისას განხორციელებული კონკურსის "ევროპის ენების" გამარჯვებული კადეტების დაჯილდოება.

კადეტების დაჯილდოებაში მონაწილეობა მიიღო ლიცეუმის დირექციამ.

 

ეროვნული სასწავლო ოლიმპიადა

 

    2020-2021 სასწავლო წლის გეოგრაფიაში ეროვნულ სასწავლო ოლიმპიადის მეორე ტური ზღვარი გადალახა მეორე ტურში გადასულმა მეორე კურსის სამივე ჩემმა კადეტმა. (ტესტი იყო 45 ქულიანი).

1. ხუციძე თომა 
2. დეისაძე ვიტალი 
3. გიორგაძე ბექა 

ჩემი სადამრიგებლო ჯგუფი ALFA-3 (X-გ)