პირველი ქართული eTwinning ონლაინ ტრენინგი

     

     2017 წლის 19 მარტიდან 1 აპრილის ჩათვლით გავიარე eTwinning პორტალზე პირველი ონლაინ ტრენინგი "პროექტების დაგეგმვა web 2.0 ინსტრუმენტებით". 

    ტრენინგი სულ მოიცავდა 20 საათს, (12 საკონტაქტო და 8 არასაკონტაქტო). 

 ტრენინგი ჩატარდა მასწავლებელთა პროფესიული მომზადების ცენტრისა და საქართველოს eTwinning გუნდის ორგანიზებითა და ხელშეწყობით. ტრენერი eTwinning-ის ამბასადორი საქართველოში ქალბატონი ხათუნა ციხელაშვილი. ტრენინგის მიზანი იყო eTwinning პორტალზე პროექტების უკეთ შექმნისათვისა და დაგეგმისათვის web 2.0 ინსტრუმენტების შესწავლა. 

   ტრენინგის ფარგლებში სულ ვისწავლე 11 ინსტრუმენტი.

1. Google Calendar 
2.  www.wordclouds.com/
3.  www.photosnack.com/ 
4. www.yudu.com/
5. www.easel.ly/ 
6. www.onlinecharttool.com/ 
7. www.myhistro.com/ 
8. creately.com/
9.  piktochart.com/
10.  www.playposit.com/ 
11. www.edu.buncee.com/

  ყველა ეს ინსტრუმენტი ძალიან საინტერესო, მარტივი და პრაქტიკულია, მათი გამოყენება კიდევ უფრო საინტერესოს და მრავალფეროვანს გახდის Twinspace-ის პროექტებს, აგრეთვე მათი გამოყენება შესაძლებელია ჩვეულებრივ საგაკვეთილო პროცესშიც. ტრენინგის განმავლობაში თითოეულ ინსტრუმენტზე შევქმენი 2-2 რესურსი. 

ხარისხის ნიშნის მინიჭება

       სსიპ გენერალ გიორგი კვინიტაძის სახელობის კადეტთა სამხედრო ლიცეუმმა eTwinning პორტალზე დარეგისტრირებული პედაგოგების აქტიური ჩართულობის გამო, ლიცეუმმა მიიღო ევროპული ხარისხის ნიშანი. 

     აღსანიშნავია, რომ პორტალზე დღეისათვის დარეგისრირებულია ლიცეუმის 12 პედაგოგი.

ონლაინ შეხვედრა კვიპროსთან

       2017 წლის 16 თებერვალს eTwinning -ის პროგრამის პროექტ Молодые Европейцы кто Вы? Młodzi Europejczycy kim Jesteście? ფარგლებში შედგა ონლან - შეხვედრა კვიპროსის ქ.ლიმასოლის სკოლის - Pythagoras school LTD მე-10-11 კლასის მოსწავლეებთან და მასწავლებლებთან. შეხვედრა მიმდინარეობდა რუსულ ენაზე. (ხელმძღვანელები: ე.მურუსიძე, ლ.ჩარკვიანი, ბ.მაჩიტაძე) პროექტის მიზანია: ქვეყნის, ქალაქისა და სასწავლებლის წარდგენა სხვადასხვა ისტ ინსტრუმენტების გამოყენებით.

  eTwinning -ის პროგრამა ხელს უწყობს ენობრივი და ინტერკულტურული კომპეტენციების განვითარებას.

ტრენინგი "მოსწავლეზე ორიენტირებული სასწავლო გარემო"

     2017 წლის 4-5 თებერვალს მასწავლებელთა პროფესიული განვითარების ეროვნული ცენტრისა და აშშ-ს ათასწლეულის გამოწვევის კორპორაციის მხარდაჭერით პროფესიული განვითარების პროექტის ფარგლებში გავიარე ტრენინგი მოდული 2 "მოსწავლეზე ორიენტირებული სასწავლო გარემო - სწავლებისა და შეფასების სტრატეგიები". ტრენერი - ქ-ნი ნონა იოსელიანი. ტრენინგი  მოიცავდა 12 საკონტაქტო და 13 არასაკონტაქტო საათს. 

ტრენინგის მიზანი:

• ტრენინგ-მოდულის მიზანია მონაწილეებს გააცნოს მოსწავლეზე ორიენტირებული სწავლებისა და შეფასების სტრატეგიები და დაეხმაროს მათ,  დაუკავშირონ მიღებული ცოდნა საკუთარ პრაქტიკას.
• ტრენინგი მონაწილეებს დაეხმარება სასწავლო მიზნების სწორად განსაზღვრასა და სასწავლო პროცესის უკეთ დაგეგმვაში. მონაწილეები ასევე გაეცნობიან შემაჯამებელი შეფასების სხვადასხვა ფორმებს, შეფასების რუბრიკის შექმნის წესსა და შეფასების პროცესში გასათვალისწინებელ უმთავრეს პრინციპებს.
• მოდულში განსაკუთრებული აქცენტი კეთდება განმავითარებელი შეფასების მნიშვნელობაზე და მის მიზნობრივად და ეფექტურად გამოყენებაზე სასწავლო პროცესში. ტრენინგის მსვლელობისას მონაწილეებს ეძლევათ განმავითარებელი შეფასების ტექნიკების მოდელირების შესაძლებლობა.
• მოდული მონაწილეებს ასევე დაეხმარება შეფასების შედეგების გაანალიზებასა და სწავლების პროცესის მოდიფიცირებაში გენდერის, სოციალური განსხვავებებისა და განსაკუთრებული საჭიროებების გათვალისწინებით. 

ტრენინგიდან გამომდინარე შევძლებ:

• შევქმნა გაზომვადი სასწავლო მიზნების ტაქსონომიები სასწავლო გეგმის შესაბამისად;
•  განმსაზღვრელი შეფასების ძირითადი პრინციპების (ვალიდურობა, სანდოობა, გამჭვირვალობა და ობიექტურობა) იდენტიფიცირებას;
• გამოვიყენო განმავითარებელი შეფასების მრავალფეროვანი სტრატეგიები, რაც დამეხმარება, მოვახდინო დროული რეაგირება სასწავლო პროცესის მიმდინარეობისას და გავაუმჯობესო სწავლის შედეგები;
• მოვამზადო და გავაანალიზო მოსწავლეზე ორიენტირებული სწავლების ამსახველი სანიმუშო გაკვეთილების გეგმები/სასწავლო ვიდეოები;
• მოვახდინო სწავლების მოდიფიცირება გენდერის, სოციალური განსხვავებებისა და განსაკუთრებული საჭიროებების გათვალისწინებით.

     ტრენინგზე ვისწავლე და მივიღე ბევრი სიახლე, აქ მიღებულ ცოდნას შევეცდები აქტიურად გამოვიყენო ჩემს პროფესიულ საქმიანობაში.